एम .एम .महाविद्यालयात आत्मनिर्भर युवती अभियानांतर्गत व्याख्यानाचे आयोजन

पाचोरा – कवयित्री बहिणाबाई चौधरी उत्तर महाराष्ट्र विद्यापीठ जळगाव विद्यार्थी विकास विभाग आणि पाचोरा तालुका सहकारी शिक्षण संस्था संचलित श्री शेठ मुरलीधरजी मानसिंगका साहित्य, विज्ञान, व वाणिज्य महाविद्यालय पाचोरा जिल्हा जळगाव विद्यार्थी विकास विभाग व युवती सभा आयोजित आत्मनिर्भर युवती अभियाना अंतर्गत दिनांक 20/03/2024 रोजी डॉ. अतुल सूर्यवंशी यांचे “महिलांमधील नेतृत्व गुण व विविध कला गुण सॉफ्ट स्किल या विषयावर व्याख्यानाचे आयोजन करण्यात आले. त्यांनी आपल्या व्याख्यानात महिलांनी स्वतःला ओळखून आपल्या क्षमता विकसित कराव्यात व त्या क्षमतांच्या आधाराने महिलांनी सामाजिक राजकीय आर्थिक क्षेत्रात आपले नावलौकिक कमवावे असे आवाहन केले. सदर कार्यक्रमाचे अध्यक्ष महाविद्यालयाचे प्राचार्य डॉ. शिरीष पाटील होते .तर व्यासपीठावर उपप्राचार्य प्रा.डॉ. जी. व्ही .पाटील राज्यशास्त्र विभाग प्रमुख डॉ. के. एस. इंगळे विद्यार्थी विकास अधिकारी डॉ. एस. बी. तडवी वाणिज्य विभाग प्रमुख प्रा वाय .बी.पुरी प्रा. प्राध्यापक स्वप्निल भोसले सरोज अग्रवाल प्रा. आर.बी. वळवी प्रा. अमित गायकवाड व विद्यार्थिनी मोठ्या संख्येने उपस्थित होत्या कार्यक्रमाचे सूत्रसंचालन महिला विद्यार्थी विकास अधिकारी डॉ.शारदा शिरोळे यांनी केले. तर आभार डॉ.सीमा सैंधाने यांनी मानले.