पाचोऱ्यात सोनसाखळी चोरी; दुचाकीस्वारांनी ३ लाखांचा ऐवज लांबवला – घटना CCTV मध्ये कैद

पाचोरा गुन्हेगारी जगताचे नंदनवन ?

पाचोरा, दि. २3 – पाचोरा शहरातील शांती नगर परिसरात सोनसाखळी चोरीची धक्कादायक घटना घडली आहे. रस्त्याने जात असलेल्या महिलेच्या गळ्यातील २० ग्रॅम वजनाची, अंदाजे ३ लाख रुपये किमतीची सोन्याची चैन दुचाकीवर आलेल्या दोन चोरट्यांनी हिसकावून नेल्याची घटना काल सायंकाळी दी 22.9.26 रोजी घडली आहे. संपूर्ण घटनेचा व्हिडीओ व्हायरल झालेल्या सीसीटीव्ही फुटेज कॅमेऱ्यात कैद झाली आहे.

मिळालेल्या माहितीनुसार, दिनांक २२ सप्टेंबर रोजी सायंकाळी 7:35 वाजेच्या सुमारास परिसरातील एका गल्लीत दोन महिला उभ्या असताना अचानक दुचाकीवरून आलेल्या चोरट्यांनी त्यांच्याजवळ येऊन महिलेच्या गळ्यातील सोनसाखळी हिसकावली आणि भरधाव वेगात पळ काढला.

सीसीटीव्ही फुटेजमध्ये दोन तरुण दुचाकीवर येतात, एका महिलेच्या गळ्यातील चैन ओढून नेतात आणि क्षणात पसार होतात हे स्पष्टपणे दिसत आहे.

या घटनेमुळे शांतीनगर परिसरात भीतीचे वातावरण निर्माण झाले असून, पाचोरा शहरात रात्री व दिवसा ढवळ्या वाढत असलेल्या चोरीच्या घटनांमुळे नागरिकांमध्ये असुरक्षिततेची भावना निर्माण झाली आहे.

याप्रकरणी पाचोरा पोलीस ठाण्यात गुन्हा दाखल करण्याची प्रक्रिया सुरू असून, सीसीटीव्हीच्या आधारे पोलिसांकडून चोरट्यांचा शोध घेतला जाईल अशी अपेक्षा आहे.