ऑगस्ट क्रांती दिनानिमीत्त पाचोरा नगरपरिषदेतर्फे विविध कार्यक्रम उत्साहात संपन्न

पाचोरा: स्वातंत्र्याच्या ७५ व्या अमृत महोत्सवाच्या पार्श्वभुमीवर 9 ऑगस्ट क्रांती दिनानिमीत्त पाचोरा नगरपरिषदेतर्फे विविध कार्यक्रमांचे आयोजन करण्यात आलेले होते. त्यात सकाळी 7-30 ते 8-45 एम.एम.कॉलेज च्या विद्यार्थ्यांची एम.एम.कॉलेज पासून आठवडे बाजार ते हुतात्मा स्मारक पावेतो जनजागृतीपर सायकल रॅली काढण्यात आली.
त्यानंतर सकाळी 9-00 वाजता हुतात्मा स्मारक येथे हुतात्म्यांना वंदन करुन मगन राजाराम लोहार यांचे हस्ते ध्वजारोहणाचा कार्यक्रम करण्यात आला. यावेळी शहरातील स्वातंत्र्य सैनिकांचे वारसांचा तसेच माजी सैनीकांचा मान्यवरांचे हस्ते सत्कार करण्यात आला. त्याच प्रमाणे गांधी चौक भागातील हुतात्मा स्तंभ येथे सजावट करण्यात आली होती तेथे न.पा.कर्मचारी व सराफ असोसिएशन तर्फे शहिदांना मानवंदना अर्पण करण्यात आली.
यानंतर हुतात्मा स्मारक येथे वृक्षारोपण करण्यात आले. तदनंतर नगरपरिषद अधिकारी / कर्मचारी यांची हुतात्मा स्मारक ते राजे संभाजी चौक-शिवतीर्थ-रिंग रोडने-पुन्हा संभाजी चौक पुढे एम.एम.कॉलेज पावेतो जनजागृतीपर मोटरसायकल रॅली काढण्यात आली यात नगरपरिषद कर्मचारी तसेच इतर नागरीक देखील मोठया उत्साहाने सहभागी झाले होते.
याच प्रमाणे दिनांक 13 ते 15 ऑगस्ट असे तीन दिवस हर-घर-तिरंगा अभियान राबविले जाणार असून दिनांक 13 ते 15 ऑगस्ट 2022 असे तीन दिवस देशातील प्रत्येक नागरीकाने आपल्या घरावर तिरंगा ध्वज फडकवीणे बाबतचे आवाहन मुख्याधिकारी तथा प्रशासक श्रीमती.शोभा बाविस्कर यांनी केले आहे.
यावेळी तहसिलदार कैलास चावडे, मुख्याधिकारी तथा प्रशासक शोभा बाविस्कर, स्वातंत्र्य सैनीकांचे वारस, माजी सैनीक, उपमुख्याधिकारी दगडू मराठे, प्रशासकिय अधिकारी प्रकाश भोसले, नगरपरिषद अधिकारी, कर्मचारी तसेच रोटरी क्लबचे अध्यक्ष व सदस्य, एम.एम.कॉलेजचे प्राचार्य वले सर व त्यांचे सहकारी शिक्षक वृंद, विविध शाळेतील विघार्थी, सराफ असोसिएशनचे पदाधिकारी आदी उपस्थित होते. सूत्रसंचालन सी एन चौधरी सर यांनी केले.

बातमी लाईक  करा,शेअर करा

खालील YouTube लिंक वर क्लिक करून  Z4 NEWS चॅनेल सबस्क्राईब करा  

https://www.youtube.com/channel/UC6F-QwUxPGQ6_CKicFqylAg?view_as=subscriber

Z4 NEWS
मुख्य संपादक- उमेश राऊत
मो : 8411009377