पाचोरा कृषि उत्पन्न बाजार समिती पाचोरा भडगाव कार्यक्षेत्रात केळी कटती ३% वरून १.५% करण्याचा निर्णय सभापती गणेश भिमराव पाटील

पाचोरा- पाचोरा येथील कृषि उत्पन्न बाजार समितीच्या संचालक मंडळाच्या दि. २४/०७/२०२३ रोजी झालेल्या सभेत केळीवर आकारण्यात येणारी ३% सूट (कटती) शेतकऱ्यांकडून कापण्यात येत असे. त्यामुळे शेतकन्यांचे आर्थिक नुकसान टाळावे यासाठी दि. २४/०७/२०२३ रोजी झालेल्या मासिक सभेत शेतकऱ्यांकडून कापल्या जाणाऱ्या ३% (सूट) कटती बाबत अभ्यास समिती गठीत करणेबाबत ठरविण्यात आले होते.

त्यानुसार बाजार समितीने सदर अभ्यास समितीमध्ये संचालकासह केळी व्यापारी प्रतिनिधी, शेतकरी प्रतिनिधी यांच्या समावेश केलेला होता. सदर बाबतीत दि.०८/०८/२०२३ रोजी बाजार समितीचे सभापती, उपसभापती, अभ्यास समिती सदस्य यांच्या समवेत बैठक झाली.

सदर बैठकीत केळीवर आकारण्यात येणारी ३% सूट (कटती) रद्द करून शेतकरी व व्यापारी हिताच्या दृष्टीने सदर कटती १.५% प्रमाणे कपात करण्यात यावी असे ठरले आहे. त्यानुसार बाजार समितीच्या कार्यक्षेत्रातील पाचोरा व भडगाव तालुक्यातील सर्व खेडा खरेदी करणान्या केळी खरेदीदार व्यापान्यांना सूचित करण्यात येते की, सर्व व्यापाऱ्यांनी बाजार समितीचे लायसन्स घेण्यात यावे.

विना परवाना केळी खरेदीदार व १.५% पेक्षा जास्त कटती घेणाऱ्या व्यापाऱ्यांवर फौजदारी स्वरुपाची कारवाई करण्यात येईल असे प्रतिपादन बाजार समितीचे सभापती यांनी केले.

यावेळी सभापती, उपसभापती, संचालक मंडळ, सचिव, केळी व्यापारी प्रतिनिधी, शेतकरी प्रतिनिधी उपस्थित होते.

” बाजार समितीने ३% केळी कटती वरून १.५% केळी कटती करण्याचा निर्णय घेतलेला असून व्यापारी जबरी पद्धतीने कटती करीत असल्यास शेतकऱ्यांनी बाजार समितीकडे तात्काळ तक्रार करावी. त्यावर बाजार समिती निश्चितपणे कायदेशीर कारवाई करेल” सभापती गणेश भिमराव पाटील,