खाजगी आस्थापनेत काम करणाऱ्या शिक्षक मतदारांना मतदानासाठी 2 तासांची विशेष सवलत

नाशिक, दि. 25 जून, 2024 – नाशिक विभाग शिक्षक मतदारसंघ निवडणूक 2024 साठी बुधवार 26 जून 2024 रोजी सकाळी 7.00 ते सायंकाळी 6.00 मतदान प्रक्रिया पार पडणार आहे. या निवडणूकीकरीता मतदार असणाऱ्या खाजगी आस्थापनेमध्ये काम करणाऱ्या मतदारांना विशेष नैमित्तीक रजा लागू होत नाही. याकरिता खाजगी आस्थापनेमध्ये काम करणाऱ्या मतदारांना मतदान करण्यासाठी मतदान कालावधीत 2 तासांची विशेष सवलत देण्यात यावी, असे निवडणूक निर्णय अधिकारी तथा विभागीय आयुक्त डॉ. प्रवीण गेडाम यांनी कळविले आहे.