पाचोरा – येथील रोटरी क्लब ऑफ पाचोरा भडगाव यांचे तर्फे कौसल्या क्लिनिकल लॅबोरेटरी पाचोरा यांच्या संयुक्त विद्यमाने दिनांक 18 ऑगस्ट 2021 रोजी पोलीस बांधवांची मोफत रक्त तपासणी करण्यात आली. या रक्त तपासणी शिबिरात विविध आजारांशी संबंधित सुमारे दोन हजार रुपयांच्या रक्त तपासण्या मोफत करण्यात आल्या. पोलीस बांधवांसाठी एक दिवस या उपक्रमा अंतर्गत रोटरी क्लबने हा कार्यक्रम आयोजित केला होता.
येथील रोटरी क्लब ऑफ पाचोरा भडगाव यांचेतर्फे प्रोजेक्ट डायरेक्टर रो. डॉ. गोरख महाजन यांच्या सहकार्याने 18 ऑगस्ट रोजी सकाळी आठ वाजता पाचोरा पोलीस ठाण्यात हा कार्यक्रम संपन्न झाला. उपविभागीय पोलिस अधिकारी माननीय भारत काकडे यांच्या अध्यक्षतेखाली संपन्न या कार्यक्रमाला रोटरी क्लबचे अध्यक्ष रो. डॉ. बाळकृष्ण पाटील, सचिव डॉ.प्रा.पंकज शिंदे, पोलीस निरीक्षक किसनराव नजनपाटील , उपप्रांतपाल रो. राजेश बाबूजी मोर, रो. निलेश कोटेचा, रो.शिवाजी शिंदे, डॉ. मुकेश तेली, डॉ. प्रशांत सांगडे, डॉ. अमोल जाधव , प्रोजेक्ट चेअरमन रो.डॉ. गोरख एस. महाजन, कौसल्या क्लिनिकल लॅबोरेटरी चे सहाय्यक मनोज वाघ, डॉ. घनश्याम चौधरी आदी उपस्थित होते.पोलीस बांधवांची समाजासाठी असलेली बांधिलकी, अहोरात्र सेवा कार्य, धावपळ आणि ताण तणाव लक्षात घेता त्यांना कळत नकळत अनेक व्याधी लागण्याची शक्यता असते , याबाबत पोलिसांनी आरोग्याची काळजी घ्यावी असे आवाहन उपविभागीय पोलिस अधिकारी भारत काकडे यांनी केले. या निमित्ताने पोलीस निरीक्षक किसनराव नजनपाटील, रोटरी उपप्रांतापाल रो. राजेश मोर, रोटरी क्लबचे अध्यक्ष डॉ.बाळकृष्ण पाटील व प्रोजेक्ट डायरेक्टर डॉ गोरख महाजन यांची समयोचित भाषणे झाली.
यावेळी पोलीस उपनिरीक्षक विकास पाटील, उपनिरीक्षक दत्तात्रय नलावडे , उपनिरीक्षक गणेश चौबे , सहाय्यक पोलीस निरीक्षक राहुल मोरे, महिला पोलीस उपनिरीक्षक विजया वसावे उपस्थित होते.
या रक्त तपासणी शिबिराच्या यशस्वितेसाठी पोलीस कर्मचारी राहुल बेहरे, किशोर पाटील , प्रकाश पाटील, सुनील पाटील, नितीन सूर्यवंशी, यशवंत घोरसे, समाधान बोरसे देवेंद्र दातीर भगवान बडगुजर आदींनी परिश्रम घेतले. सुमारे 55 पोलीस अधिकारी व कर्मचाऱ्यांनी या शिबीराचा लाभ घेतला रक्त चाचण्यांचे अहवाल सादर केल्यानंतर पुढील उपचारासाठी कौसल्या पॅथॉलॉजिकल लॅब च्या माध्यमातून मार्गदर्शन करण्यात येईल अशी सूचना प्रोजेक्ट डायरेक्टर गोरख महाजन यांनी यावेळी केली.
बातमी लाईक करा,शेअर करा
खालील YouTube लिंक वर क्लिक करून Z4 NEWS चॅनेल सबस्क्राईब करा
https://www.youtube.com/channel/UC6F-QwUxPGQ6_CKicFqylAg?view_as=subscriber
Z4 NEWS
मुख्य संपादक- उमेश राऊत
मो : 8411009377
