कायदा सुव्यवस्था कायम रहावी यासाठी अमळनेर शहरात संचारबंदी लागू

अमळनेर- दि,9.06.2023 रोजी रात्री 10 वाजेच्या दरम्यान अल्पवयीन मुलांच्या किरकोळ भांडणातून सामाजिक तेढ निर्माण होऊन दगडफेक झाली. हा प्रकार अमळनेर शहरात दगडी गेट परिसरात जिंजर गल्लीसह गांधलीपुरा भागात घडली. यामध्ये काही वाहनांचे नुकसान झाले आहे. याबाबत पोलिसाना माहिती मिळताच पोलीस पथक पथक घटनास्थळी दाखल झाले.शांतताभंग होऊ नये व कायदा सुव्यवस्था कायम रहावी यासाठी अमळनेर शहरात दि.10.6.2023 रोजी सकाळी 11.00 वाजेपासून ते 12.06.203 रोजी सकाळी 11.00 वाजेपर्यंत संचारबंदी लागू करणेत आली आहे. आवश्यकता वाटल्यास संचारबंदीमध्ये वाढ करणेत्त येईल. अमळनेर शहरातील नागरिकांनी संचारबंदी काळात आपापल्या घरीच थांबून प्रशासनास सहकार्य करावे, असे आवाहन उपविभागीय दंडाधिकारी कैलास कडलग यांनी केले आहे.