नोंदणीकृत दस्तऐवज आता ई-मेल वर मिळणार – मुद्राक जिल्हाधिकारी सुनिल पाटील

जळगाव, दि. १४ जुलै – दस्तऐवज नोंदणी करतांना दस्त निष्पादीत करुन देणारा व घेणारा सर्व पक्षकारांनी त्यांचे कार्यान्वीत असलेले भ्रमणध्वनी क्रमांक व ई-मेल आयडी दस्तांवर टाकावे म्हणजेच त्यावरुन पक्षकाराला आपल्या दस्ताची स्थितीची माहिती मोबाईल वरुन मिळणार आहे. तसेच ई-मेल वर दस्ताची सॉफ्ट कॉपी उपलब्ध होते. सदर दस्ताची कॉपी ई-मेल असल्यामुळे भविष्यात सुलभ संदर्भासाठी लगेच दस्ताची प्रत आपल्याला मिळते.

नागरिकांनी दस्त नोंदणी करतांना नोंदणी व मुद्रांक विभागाने उपलब्ध करुन दिलेल्या ‘आय-सरीती’ प्रणालीमध्ये आपले मोबाईल क्रमांक, ई-मेल आय. डी. तसेच पत्ते समाविष्ट करावे ते अचूक असल्याची खात्री करावी. असे आवाहन मुद्रांक जिल्हाधिकारी सुनिल पाटील यांनी प्रसिद्धीपत्रकाद्वारे केले आहे.