पाचोरा नगरपरिषदेतर्फे सेवा पंधरवाडा अंतर्गत प्रधानमंत्री सुर्यघर योजना तसेच मालमत्ताकर अभय योजना व नगरपरिषदेसंबंधी इतर योजना शिबीर संपन्न

पाचोरा:- शासनाच्या निर्देशानूसार सर्व शासकिय कार्यालयांमध्ये वितरण केल्या जाणाऱ्या विविध सेवांचा जलद निपटारा होण्याच्या दृष्टीकोनातून सेवा पंधरवाडा कार्यक्रमाचे आयोजन करण्यात आले असून त्या अनुषंगाने पाचोरा नगरपरिषदेतर्फे सेवा पंधरवाडा अंतर्गत प्रधानमंत्री सुर्यघर योजना तसेच मालमत्ता करा वरील शास्ती (दंड) माफ करणे (अभय योजना), प्रधानमंत्री आवास योजना, पी.एम.स्वनिधी योजनांचे माहितीपर शिबीर दिनांक 17/09/2025 रोजी व्यापारी भवन येथे संपन्न झाले यांस नागरीकांकडून चांगला प्रतिसाद मिळालेलाअसून प्रधानमंत्री सूर्यघर योजना (घरावर सोलर पॅनल बसविण्यासाठी कर्ज व सबसीडी), विविध कंपन्यांचे पॅनल्स, तज्ञ पुरवठादार, वित्त पुरवठयासाठी बॅक अधिकारी तसेच एम.एस.ई.बी.चे अधिकारी यांना एकाच छताखाली आणून नगारीकांना येणाऱ्या अडचणींचे निराकरण करण्यात आले आहे.

त्याच प्रमाणे शासनाच्या अभय योजनेअंतर्गत थकीत मालमत्ताकरांचा पुर्ण भरणा करुन शास्ती / दंड माफीसाठी दिनांक 30/09/2025 पावेतो अर्ज सादर करावेत त्या अनुषंगाने शिबीरात अशा मालमत्ता धारकांना माहिती देऊन काहींना त्याचा प्रत्यक्ष लाभ देखील देण्यात आला. यावेळी यात अभय योजना, प्रधानमंत्री आवास योजना,सुर्यघर योजना तसेच पी.एम.स्वनिधी योजनाचे माहितीपर स्टॉल नागरीकासाठी लावण्यात आले होते. तरी शहरातील सर्व नागरीक व मालमत्ताधारकांना असे आवाहन करण्यात येते की, आपण देखील शासनाच्या वरील प्रमाणे योजनेचा तसेच मालमत्ता अभय योजनेचा लाभ घ्यावा असे मुख्याधिकारी श्री.मंगेश देवरे यांनी सांगीतले.
या वेळी नगरपरिषदेचे अधिकारी / कर्मचारी व शहरातील नागरीक मोठया प्रमाणात उपस्थित होते.