स्वातंत्र्याच्या अमृत वर्षानिमीत्त गोष्ट स्वातंत्र्याची या पथनाटयाचे आयोजन

पाचोरा – भारताचा स्वातंत्र्याच्या अमृत वर्षानिमीत्त “मेरी माटी, मेरा देश” हा उपक्रमाच्या पार्श्वभुमीवर दिनांक 14/08/2023 रोजी नगरपरिषदेतर्फे शहरातील एम.एम.कॉलेज, छत्रपती शिवाजी महाराज चौक, म.गांधी चौक या भागात महेश कौडिण्य सर लिखीत गोष्ट स्वातंत्र्याची या पथनाटयाचे आयोजन करण्यात आलेले होते. यावेळी गो.से.हायस्कूल मधील विद्यार्थ्यांनी सादर केलेल्या पथनाट्याचे कौतूक उपस्थितांकडून करण्यात आले. शहरातील तिनही भागात आयोजित केलेल्या कार्यक्रमांस अधिकारी / कर्मचारी, लोकप्रतिनिधी, शहरातील नागरीक यांनी मोठया प्रमाणात उपस्थिती दिली. पथनाटयात पाचोरा शहरातील स्वातंत्र्य लढयाचे योगदान तसेच स्वातंत्र्य लढयात शिरीष कुमार, चलेजांव आंदोलनातील प्रेरक प्रसंग सादर करीत देशभक्तीपर घोषणांनी परिसर दुमदुमून टाकला.विद्यार्थ्यांच्या या सादरीकरणाला प्रेषकांनी भरभरुन दाद दिली. गांधी चौकात झालेल्या कार्यक्रमात पथनाटयाचे लेखक महेश कौंडिण्य सर यांचा सपत्नीक सत्कार करण्यात आला. या वेळी मुख्याधिकारी बाविस्कर यांचेकडून विद्यार्थ्यांना प्रोत्साहनपर बक्षिस देऊन गौरविण्यात आले. तसेच 15 ऑगस्ट स्वातंत्र्यदिनापावेतो आपल्या घरावर राष्ट्रध्वज लावण्याचे आवाहन करण्यात आले. कार्यक्रमाची सांगता पंचप्रण शपथ व राष्ट्रगीताने करण्यात आली.
मुख्याधिकारी शोभा बाविस्कर यांच्या मार्गदर्शनाखाली झालेल्या या कार्यक्रमास पीटीसी चेअरमन संजय नाना वाघ, प्रांताधिकारी भुषण अहिरे साहेब, गो.से.हायस्कूल मुख्याध्यापिका प्रमिला वाघ मॅडम, ए.बी.अहीरे सर, भोला आप्पा, माजी नगराध्यक्ष बापू सोनार, नाना देवरे, सुनिल सराफ, नंदू सोनार, किशोर डोंगरे, गजानन जोशी, नगरपालिका उपमुख्याधिकारी दुर्गेश सोनवणे, कर अधिक्षक दगडू मराठे, संजय बाणाईते, मधुकर सुर्यवंशी, ईश्वर सोनवणे, जितेंद्र मोरे, नगररचनेचे काबरा, ललित सोनार, भारती निकुंभ, प्रगती खडसे, प्रकाश पवार, विलास देवकर, विशाल दिक्षीत, विलास कुंभार, किशोर मराठे, संदिप खैरनार, रवि पवार, सुशिल पवार, विठ्ठल पाटील, शाम ढवळे, महेंद्र गायकवाड, भागवत पाटील, गजानन पाटील, कार्यक्रमाचे सुत्रसंचालन सी.एन.चौधरी यांनी केले तसेच आभार मुख्याधिकारी शोभा बाविस्कर यांनी मानले.