स्वातंत्र्याच्या 75 व्या अमृत महोत्सवानिमित्त तिरंगा वितरण केंद्राचा शुभारंभ

पाचोरा, दि.8 – स्वातंत्र्याच्या ७५ व्या अमृत महोत्सवानिमीत्त स्वातंत्र्यासाठी चेतवलेले स्फुलिंग कायम तेवत रहावे व देशभक्तीची जाज्वल्य भावना कायमस्वरूपी जनमाणसात रहावी या उद्देशाने “स्वातंत्र्याचा अमृत महोत्सव” उपक्रमाचे आयोजन करण्यात आले आहे. याचाच एक भाग म्हणून दिनांक 13 ते 15 ऑगस्ट असे तीन दिवस हर-घर-तिरंगा अभियान राबविले जाणार आहे. दिनांक 13 ते 15 ऑगस्ट 2022 असे तीन दिवस देशातील प्रत्येक नागरीकाने आपल्या घरावर तिरंगा ध्वज फडकवीणे बाबतच्या सुचना शासनामार्फत प्राप्त झालेल्या आहेत. त्यानूसार पाचोरा शहरात तिरंगा ध्वज हा नगरपरिषद कार्यालय, राजे संभाजी चौक, छत्रपती शिवाजी महाराज चौक इत्यादी ठिकाणी तिरंगा ध्वज वितरणासाठी उपलब्ध करुन देण्यात आलेला आहे.

या पार्श्वभुमीवर उपरोक्त नमूद ठिकाणी तिरंगा ध्वज वितरणाचा शुभारंभ मुख्याधिकारी तथा प्रशासक शोभा बाविस्कर यांच्या हस्ते करण्यात आला असून वितरण केंद्रास नागरीकांकडून प्रचंड प्रतिसाद लाभत आहे. या वेळी नगरपरिषदेचे उपमुख्याधिकारी दगडू शिवाजी मराठे, प्रशासकिय अधिकारी प्रकाश भोसले, ललित सोनार, नगरपरिषद कर्मचारी वर्ग उपस्थित होते. स्वातंत्र्याचा अमृत महोत्सवा निमित्त घरोघरी तिरंगा हा कार्यक्रम यशस्वी करण्याबाबत आवाहन मुख्याधिकारी तथा प्रशासक श्रीमती.शोभा बाविस्कर यांनी केले आहे.

बातमी लाईक  करा,शेअर करा

खालील YouTube लिंक वर क्लिक करून  Z4 NEWS चॅनेल सबस्क्राईब करा  

https://www.youtube.com/channel/UC6F-QwUxPGQ6_CKicFqylAg?view_as=subscriber

Z4 NEWS
मुख्य संपादक- उमेश राऊत
मो : 8411009377