शिव छत्रपती क्रीडा पुरस्कारांसाठी प्रस्ताव सादर करण्याचे आवाहन

जळगाव, दि .14 – राज्य शासनाच्या क्रीडा विभागातर्फे देण्यात येणाऱ्या शिव छत्रपती राज्य क्रीडा पुरस्कारांसाठी प्रस्ताव सादर करण्याचे आवाहन क्रीडा विभाच्यावतीने करण्यात केले आहे.

राज्य शासनाच्या क्रीडा विभागामार्फत राज्यातील क्रीडा विभागाचा प्रतिष्ठेचा असलेला शिवछत्रपती राज्य क्रीडा पुरस्कार प्रदान करण्यात येतो. क्रीडा क्षेत्रातील विशेष उल्लेखनीय कामगिरी करण्याऱ्या खेळाडूंचा गौरव करण्यासाठी राज्य शासन शिवछत्रपती राज्य क्रीडा जीवन गौरव पुरस्कार, उत्कृष्ट क्रीडा मार्गदर्शक
पुरस्कार/जिजामाता पुरस्कार, शिवछत्रपती राज्य क्रीडा पुरस्कार (खेळाडू), शिवछत्रपती राज्य साहसी क्रीडा पुरस्कार, शिवछत्रपती राज्य क्रीडा पुरस्कार (दिव्यांग खेळाडू) असे पुरस्कार प्रदान करते.

शासनाने 14 डिसेंबर 2022 रोजीच्या निर्णयान्वये शिवछत्रपती पुरस्कारासाठी नियमावली विहीत केली आहे. या नियमावलीनुसार सन 2019-20, 2020-21 व 2021-22 या तीन स्वतंत्र वर्षाच्या पुरस्कारासाठी राज्यातील ज्येष्ठ क्रीडापटू, क्रीडा मार्गदर्शक खेळाडू, दिव्यांग खेळाडू यांच्याकडून अर्ज मागविण्यात येत आहे. https://sogrts.maharashtra.gov.in या संकेतस्थळास भेट देऊन अजार्च नमुने अऊनलोड करून घेऊन व्यवस्थितरित्या भरून संबंधित जिल्हा क्रीडा अधिकारी कार्यालयात कार्यालयीन वेळेत सादर करावेत.

शिवछत्रपती राज्य क्रीडा पुरस्कारासाठी अर्ज सादर करण्याची मुदत 16 ते 30 जानेवारी, 2023 अशी ठेवण्यात आलेली आहे. अधिक माहितीसाठी क्रीडा विभागाच्या https://sports.maharashtra.gov.in या संकेतस्थळावरील बातम्यांमधील लिंकवर पहावे. पुरस्कारासाठी अर्ज सादर करण्या-या इच्छुक क्रीडा मार्गदर्शक, खेळाडु, दिव्यांग खेळाडु यांनी विहित मुदतीत अर्ज सादर करावेत, असे उपसंचालक, क्रीडा व युवक सेवा महाराष्ट्र राज्य, पुणे यांनी एका प्रसिध्दी पत्रकान्वये कळविले आहे.